Мы жывём па правілах акцябрат
08.10.2024Ва ўстанове сярод навучэнцаў 3–4 класаў прайшла пазнавальная гульня “Мы жывём па правілах акцябрат”.
Навучэнцы ў ходзе гульні праявілі сябе актыўнымі, творчымі і мэтанакіраванымі. Яны даведаліся шмат цікавай інфармацыі пра гісторыю ўзнікнення акцябрацкага руху, праслухалі легенду аб акцябратах, успомнілі правілы пасвячэння, сімвалы і марш акцябрат, іх дзейнасць. За выкананне розных заданняў навучэнцы атрымлівалі зорачкі.
У завяршэнні мерапрыемства навучэнцы атрымалі дамашняе заданне: распытаць у дарослых пра іх успаміны аб акцябрацкім жыцці. Юныя акцябраты паабяцалі, што пастараюцца рабіць толькі добрыя ўчынкі, каб горда насіць гэтае званне.