Асновы бяспекі жыццядзейнасці

Правілы паводзін на вадзе

Многія з нас у цёплы час года адпраўляюцца на раку, возера ці мора. Але для таго каб купанне даставіла вам сапраўднае задавальненне, неабходна выкананне некалькіх важных умоў.

разгарнуць

Правілы бяспечных паводзін на вадаёмах

Лепшы час сутак для купання:

раніцай - 8.00 - 10.00,

увечары - 17.00 - 19.00.

Рэкамендуецца:

перад купаннем - адпачыць;

уваходзіць у ваду асцярожна, паволі, калі вада дойдзе вам да пояса, спыніцеся і плывіце ўздоўж берага або да яго;

купацца ў спецыяльна адведзеных і абсталяваных для гэтага мясцінах;

перад купаннем у незнаёмых месцах абследаваць дно;

знаходзіцца ў вадзе не больш за 15-20 мінут;

пасля купання расцерці цела ручніком.

Не рэкамендуецца:

купацца раней чым праз гадзіну-паўтары пасля прыёму ежы;

уваходзіць у ваду разгарачаным;

адплываць далёка ад берага;

даводзіць сябе да пераахаладжэння і дрыжыкаў;

карыстацца надзіманымі матрацамі, аўтамабільнымі камерамі і іншымі не прызначанымі для купання прадметамі.

Забараняецца:

пакідаць без нагляду дзяцей;

заплываць за папераджальныя знакі;

скакаць і ныраць у ваду ў невядомым месцы;

падплываць пад тых, хто купаецца, хапаць адзін аднаго за рукі і ногі ў вадзе з мэтай розыгрышу;

падаваць беспадстаўныя сігналы бедства;

купацца ў нецвярозым стане.

Крыніца: АСВОД.

згарнуць

Правілы паводзін на балоце

Балоты - гэта важная частка экасістэмы, а таксама натуральная крыніца торфу. Аднак для чалавека балоты з'яўляюцца аднымі з самых небяспечных месцаў на прыродзе.

разгарнуць

Велізарная частка тэрыторыі Беларусі складаецца з забалочаных мясцовасцяў.

Балоты бываюць розных відаў: малапраходныя, цяжкапраходныя і непраходныя.

Малапраходныя балоты перасыхаюць ў летні перыяд, і тады па іх можна перамяшчацца на аўтамабілі. Такія балоты пакрытыя густой травой. Цяжкапраходныя і непраходныя балоты пакрытыя мохам.

Самым небяспечным месцам на балоце з'яўляецца дрыгва, або багна, - зарослы вадаём, паверхня якога пакрыта мохам і яркай зялёнай травой. Дрыгва надзвычай небяспечная, яна засмоктвае чалавека на дно.

Калі вы мяркуеце, што перад вамі твань, абыдзеце гэты ўчастак шляху.

Перамяшчацца па балоцістай мясцовасці трэба групамі. Абавязкова прадумайце маршрут загадзя і абярыце найбольш бяспечную дарогу. Перш чым перамяшчацца па забалочанай мясцовасці, узбройцеся моцным доўгім шастом. З яго дапамогай прамацвайцедарогу і ўтрымлівайце раўнавагу. Пакідайце на дарозе арыенціры. Ісці ў групе трэба адзін за адным, захоўваючы дыстанцыю 5-7 метраў.

Перш чым адправіцца ў дарогу, абавязкова запраўце штаны ў боты, каб не чапляцца за перашкоды.

Ісці трэба павольна, не робячы ніякіх рэзкіх рухаў і абапіраючыся на ўсю ступню. Бяспечны шлях праходзіць побач з купінамі, кустамі і дрэвамі. Пад імі, як правіла, знаходзіцца цвёрды грунт, які не дазволіць вам праваліцца.

Ні ў якім разе не пераскоквайце з купіны на купіну!

Участкі вады, а таксама ямы з балотнай вадой, якія могуць сустрэцца на вашым шляху, трэба абавязкова абыходзіць.

Для страхоўкі шост павінен знаходзіцца ў гарызантальным становішчы. Калі, нягледзячы на ўсе засцярогі, хто-небудзь з групы праваліўся ў багну, аказвайце яму дапамогу хутка, але асцярожна. Побач з чалавекам, які праваліўся, пакладзіце некалькі жэрдак і тоўстых галінак. Перасоўваючыся паўзком, падбярыцеся да чалавека, які праваліўся, і дапамажыце выбрацца.

Калі вы пайшлі праз балота ў адзіночку і патрапілі ў дрыгву, не паддавайцеся паніцы. Ні ў якім разе не рабіце рэзкіх рухаў: гэта прывядзе толькі да таго, што вы мацней пачнеце акунуцца ў бездань. Хутка падцягніце шост да сябе і ляжце на яго грудзьмі. Скіньце ўсе цяжкія рэчы. Гучна клічце на дапамогу.

згарнуць

Правілы паводзін пры навальніцы

Перш чым адправіцца на шпацыр за горад, даведайцеся прагноз надвор'я. Калі, паводле гэтага прагнозу, чакаецца навальніца, вазьміце з сабой парасон альбо плашч з непрамакальнага матэрыялу. Духата - гэта дакладная прыкмета надыходзячай навальніцы.

разгарнуць

Самае небяспечнае ў навальніцу - знаходзіцца побач з металічнымі агароджамі, на назіральных вежах і паляўнічых вышках.

У час навальніцы ні ў якім разе не дакранайцеся да любых металічных прадметаў і не кладзіцеся на зямлю!

Пры першых прыкметах блізкай навальніцы паспрабуйце схавацца ў машыне або ў любой схованцы: будане, хаце, будынку з маланкаадводам.

Калі такой магчымасці ў вас няма і вы вымушаныя заставацца на адкрытай мясцовасці, хавайцеся ў канаве ці лагчыне, скрыжаваўшы ногі. Калі вы знаходзіцеся ў групе людзей, сядзьце на кукішкі і не датыкайцеся ні да кога. Пазбаўцеся ад любых металічных прадметаў: перакладзеце іх у заплечнік і адсуньце яго ў бок.

Калі перад пачаткам навальніцы вы слухалі радыёперадачу, выключыце радыёпрыёмнік і прыбярыце антэну.

Не размаўляйце па мабільным тэлефоне падчас навальніцы!

Калі навальніца заспела вас у лесе, пазбягайце асобна стаячых і вельмі высокіх дрэў. Лепш за ўсё хавацца ў кустах ці пад невысокімі бярозамі і клёнамі. Хвоя, таполя, елка і дуб - "любімыя" дрэвы маланак.

Калі навальніца заспела вас у час купання ў натуральным вадаёме - возеры, рацэ, моры, - неадкладна выйдзіце на сушу, бо вада з'яўляецца добрым правадніком электрычнага току.

Калі навальніца заспела вас падчас заняткаў тэхнічнымі відамі спорту, неадкладна спыніце іх! Нельга катацца на веласіпедзе або матацыкле!

згарнуць

Як пазбегнуць сонечных апёкаў, сонечных і цеплавых удараў

У летнія спякотныя дні большасць людзей любіць пазагараць. Аднак доўгае знаходжанне на сонцы можа аказацца вельмі небяспечным.

разгарнуць

Беражыце вочы - абавязкова апранайце сонцаахоўныя акуляры. Лінзы павінны быць шклянымі, бо пластмасавыя лінзы не абараняюць вочы ад уздзеяння ўльтрафіялетавых прамянёў. Колер шкла ў сонцаахоўных акулярах павінен быць максімальна цёмным. Не глядзіце прама на сонца без акуляраў, ад гэтага зрок моцна псуецца.

У летнюю спёку вельмі шкодна знаходзіцца пад прамым уздзеяннем сонечных прамянёў. Найбольш неспрыяльны час для загару - з поўдня да трох гадзін дня, калі ультрафіялетавае выпраменьванне найбольш моцнае. Не прымайце сонечныя ванны ў гэты час сутак. Каб пазбегнуць сонечных апёкаў,не забывайце карыстацца спецыяльным крэмам.

Перад тым як выйсці на вуліцу, надзеньце футболку або лёгкую кашулю з доўгімі рукавамі, бо рукі знаходзяцца пад уздзеяннем прамых сонечных прамянёў і абгараюць хутчэй за ўсё.

Калі вам не ўдалося пазбегнуць сонечнага апёку, намажце абгарэлыя месцы тлустым крэмам, вазелінам, раслінным алеем або смятанай з высокім працэнтам тлустасці.

Калі на скуры з'явіліся пухіры, ні ў якім разе не ўскрывайце іх!
Скарыстайцеся сродкамі ад апёкаў, якія можна набыць у аптэцы, і звярніцеся да ўрача.

Доўгае знаходжанне на сонцы можа прывесці да цеплавых і сонечных удараў. Сонечнага ўдару можна лёгка пазбегнуць, калі ўвесь час насіць галаўны ўбор.

Сімптомы сонечнага ўдару - слабасць, галавакружэнне, галаўны боль, млоснасць, ванітаванне. Цеплавы ўдар можа атрымаць пры перагрэве арганізма, і ён нашмат больш небяспечны, чым сонечны ўдар: да пералічаных вышэй сімптомаў сонечнага ўдару дадаюцца павышэнне тэмпературы цела, насавы крывацёк, у рэдкіх выпадках - страта свядомасці.

Прычынамі ўзнікнення цеплавога ўдару могуць стаць і працяглае знаходжанне на сонцапёку, і працяглыя фізічныя нагрузкі ў душных памяшканнях з высокай тэмпературай і вільготным паветрам. Каб пазбегнуць цеплавога ўдару, неабходна насіць вопратку з натуральных тканін, хадзіць у галаўным уборы, выбіраць для шпацыраў месцы, абароненыя ад прамога ўздзеяння сонечных прамянёў. У гарачае надвор'е чалавечы арганізм губляе вялікую колькасць мінеральных соляў, таму верагоднасць ўзнікнення цеплавога ўдару ўзмацняецца.

У гарачы час года неабходна піць шмат вадкасці, пажадана мінеральную ваду. Аказваючы першую дапамогу пры сонечных і цеплавых ударах, перанясіце пацярпелага ў прахалоднае зацішнае месца, пакладзіце яго на спіну, вызваліце ад абцяжарваючых дыханне прадметаў адзення, пакладзеце яму на галаву кампрэс са змочанага ў халоднай вадзе ручніка, пастаянна давайце яму піць мінеральную ваду.

згарнуць