Фізкультхвілінкі

Зімовая

Раз, два, тры, чатыры, пяць,

Мы пайшлі на двор гуляць. (пальчыкі топаюць па нагах)

Бабу снежную зляпілі (паказваем рукамі вялікі ком),

Птушак хлебам пакармілі (сыпем крошкі для птушак)

З горкі слізкай пакаталісь (адна рука “катаецца” па другой ад пляча да пальцаў)

І ў гурбах павалялісь (абедзе рукі верцяцца – валяюцца ў снезе)

У снезе мы дамоў прыйшлі!

Атрасліся (паказваем, як страхваем снег)

Суп паелі (паказваем, як ядзім суп: адна рука – талерка, другая – лыжка)

Спаць у ложачкі ляглі (абедзве далоні пад шчакой, галава крыху нахілена, вочы заплюшчаны)

Ладкi

Ладу-ладу-ладкі (Схаваліся ручкі)

Ладу-ладу-ладкі, (ляскаем у ладкі)

Кулачкі-кулачкі! (стукаем кулачкамі адзін аб другі)

Ладу-ладу-ладкі, (ляскаем у ладкі)

Кулачкі-кулачкі! (стукаем кулачкамі адзін аб другі)

Схаваліся ручкі! (рукі хаваюцца за спіну)

Шукай, дзе яны?!

А вось яны! (рукі вяртаюцца, робім “ліхтарыкі” перад сабой)

Пеўнік

Пеўнік раніцай прачнуўся,

(Далонь угару, указальны палец абапіраецца на вялікі, астатнія расстаўлены ўгару).

І да сонца павярнуўся.

(Пакруціць кісцю рукі ў розныя бакі).

Кукарэкнуў раз, два, тры!

(Разводзіць і зводзіць указальны і вялікі палец).

Ты сягоння не праспі. 

Бiятлон

Сонца шчыра ўсміхнулася. (кругавы рух рукамі)

Мы падняліся, апрануліся, (устаць)

На лыжню ўсе дружна сталі, (рухі лыжніка)

Хутчэй ветрыка памчалі!

Трапна ў цэль страляць мы будзем: (імітавць стрэльбу)

Ні хвілінкі не марудзім! (бег на месцы)

Скажам шчыра: "Мара наша –

Быць як Домрачава  Даша”. (папляскаць у далоні)

1-2-3-4-5

Раз, два, тры, чатыры, пяць –

Тупаем нагамі.

Раз, два, тры, чатыры, пяць –

Пляскаем рукамі.

Раз, два, тры, чатыры, пяць –

Будзем нахіляцца.

Раз, два, тры, чатыры, пяць –

Сядзем зноў займацца.

 Сонейку

Як толькі сонейка прачнецца, (устаць з-за парт)

За справы ўміг яно бярэцца! (кругі рукамі)

Разбудзіць сонных дзетак, (пацерці вочкі)

Сагрэе лес, палетак, (абняць сябе за плечы)

Дасць моцы ўсім, хто хворы, ( зрабіць рыўкі рукамі)

І падтрымае ў горы. (паціснуць адзін аднаму рукі)

Я вельмі прашу: "Сонца, (папляскаць у далоні)

Зірні ў наша аконца!”

Замок

На дзвярах вісіць замок

(Дзеці складаюць свае ручкі ў замок).

Хто яго адкрыць бы змог?

(Паднімаюць “замок” угару, паказваюць).

Пакруцілі, пакруцілі

(Не расчапляючы рукі, дзеці круцяць іх спачатку ў адзін бок).

Пакруцілі, пакруцілі

(Круцяць іх у іншы бок).

Пацягнулі

(Дзеці спрабуюць яго “адамкнуць” і цягнуць ручкі ў розныя бакі).

І адамкнулі

(Падымаюць угару і паказваюць свае вольныя ручкі).      

Бусел

На страсе прачнуўся бусел, (далонькі на твар, потым адымаем)

Доўгай шыяй пацягнуўся, (цягнемся галавой, носікамі дагары)

Распрастаў шырока крылы – (разводзім рукі ў розныя бакі)

Пёркі ветрам закруціла (круцім далонямі, пальчыкамі).

А на двор бяжыць сабачка, (тупаем ножкамі, рукамі дапамагаем бегчы),

Круціць хвосцікам там качка, (круцім попамі, распрацоўваем пазваночнік, талію, суставы),

І выходзіць - рукі ў бокі –

Гаспадар да іх высокі. (паважна выступаем, рукі ў бокі, спіна раскрытая, роўная, галава высока задраная)