Міністэрства адукацыі Рэспублікі Беларусь
Упраўленне адукацыі Смаргонскага раённага выканаўчага камітэта
Дзяржаўная ўстанова адукацыі
"Асінаўшчызненская пачатковая школа"
Фізкультурныя заняткі - асноўная форма сістэматычнага навучання дзяцей фізічным практыкаванням. Значэнне заняткаў заключаецца ў комплексным фарміраванні культуры рухаў, сістэматычным ажыццяўленні аздараўленчых, адукацыйных і выхаваўчых задач, выкананне якіх забяспечвае фізічнае развіццё, функцыянальнае ўдасканаленне арганізма, умацаванне здароўя дзіцяці, набыццё ім правільных рухальных навыкаў, выхаванне фізічных якасцяў і эмацыйна-станоўчых адносін да фізкультуры і спорту, усебаковае развіццё асобы.
Фізкультурны занятак абавязкова патрабуе захавання тэхнікі бяспекі пры яго правядзенні. Адным з абавязковых умоў яе захавання з'яўляецца наяўнасць спартыўнай формы ў дзяцей. Дзіця атрымлівае поўнае фізічнае развіццё, вучыцца скакаць, бегаць, поўзаць, лазіць. Каб вашаму дзіцяці было зручна, неабходна набыць: футболку, шорты, шкарпэткі, зручны спартыўны абутак для заняткаў фізічнай культурай.
Спартыўная форма для заняткаў фізічнай культурай:
1. Футболка. Футболка павінна быць выраблена з несінтэтычных, дыхаючых матэрыялаў, без дэкаратыўных элементаў, якія адцягваюць увагу дзяцей.
2. Шорты. Шорты павінны быць нешырокія, не ніжэй каленяў. Многія дзеці прыходзяць на занятак у брыджах, што перашкаджае ім выконваць асноўныя віды рухаў, такія як скачкі, бег і г.д.
3. Абутак. Абутак павінен быць лёгкім з трывалай гумавай падэшвай. Спартыўны абутак пры актыўных рухах павінен надзейна падтрымліваць ступню дзіцяці. Для прафілактыкі траўмаў важна шчыльная фіксацыя ступні і наяўнасць нягладкай падэшвы. Чэшкі для заняткаў фізкультурай у дзіцячым садзе апранаць дзіцяці не трэба, яны падыходзяць толькі для музычных заняткаў, паколькі тонкая скураная падэшва чэшак слізгае і цалкам не амартызуе, акрамя гэтага, чэшкі не забяспечваюць падтрымку і фіксацыю ступні.
згарнуць